नाव,चौकट,बंधन …

नात्यांना नाव पडली की त्यांच्या चौकटी ठरतात,

चौकटी ठरल्या की त्यात राहायच्या  मर्यादा पडतात,

नको ती नाव, नको ती चौकट, नको ते बंधन …

का तो क्षण थांबला नाही ? , पुन्हा आलाच नाही ?
बघायचं होत तुला डोळे तृप्त होईपर्यंत,
भिडायचं होत तुला मन भरेपर्यंत.

ही नाती, त्यांना ठेवलेली नाव, ती चौकट,
झुगारून टाकल सगळं ,
आता कळून चुकलं नसतं काही यात वावगं.

पण तो क्षण ती भेट ,पुन्हा कशी रे येईल ?
कधी भेटशील का तू मला ?

तू तोच आहेस, मी तू आहे :)

तुझ्यात मला शोधण्याची आस,

माझ्यात तुला बघण्याचा तो भास,

भासातून उमगलेला तू आणि भेटीसाठी आतुरलेली मी,

तू तोच आहेस,मी तीच आहे . 

बोलण्यातून स्पष्ट दिसणारा,वागण्यातून खोडकर असणारा,

कळलच नाही कधी गुंतावलस तू मला,

गुंतावण्यातून बहरले मी आणि बहरातून खुलवलस तू,

तू तोच आहेस,मी तीच आहे .

रंग चढले , प्रेम व्यक्त झाले,

तुझ्या आठवणीत मन झुलू लागले,

उंच भरारी घेतलीस तू आणि उडायला शिकले मी,

तू तोच आहेस,मी तीच आहे .

गप्पा, हसणं - खिदळणं , फिरणं आवडू लागलं आपल्याला, 

हातातले हात घट्ट पकडणं  मान्य होत एकमेकांना,

माझ्यासाठी असलेला तू आणि तुझ्यासाठी असलेली मी,

तू तोच आहेस, मी तू आहे :)

घट्ट मिठी ती समुद्राकाठची ,

ती ओली माती आपुल्या वाटची ,

त्या रिमझिमणाऱ्या पाऊस धारा, 

तो शहारणारा वारा ,

आठवून जाई क्षणात मजला ,

तो क्षण डोळ्यात माझ्या सजला ,

ती प्रीत होती का एका रातची ?

घट्ट मिठी ती समुद्राकाठची !!!