तू तोच आहेस, मी तू आहे :)

तुझ्यात मला शोधण्याची आस,

माझ्यात तुला बघण्याचा तो भास,

भासातून उमगलेला तू आणि भेटीसाठी आतुरलेली मी,

तू तोच आहेस,मी तीच आहे . 

बोलण्यातून स्पष्ट दिसणारा,वागण्यातून खोडकर असणारा,

कळलच नाही कधी गुंतावलस तू मला,

गुंतावण्यातून बहरले मी आणि बहरातून खुलवलस तू,

तू तोच आहेस,मी तीच आहे .

रंग चढले , प्रेम व्यक्त झाले,

तुझ्या आठवणीत मन झुलू लागले,

उंच भरारी घेतलीस तू आणि उडायला शिकले मी,

तू तोच आहेस,मी तीच आहे .

गप्पा, हसणं - खिदळणं , फिरणं आवडू लागलं आपल्याला, 

हातातले हात घट्ट पकडणं  मान्य होत एकमेकांना,

माझ्यासाठी असलेला तू आणि तुझ्यासाठी असलेली मी,

तू तोच आहेस, मी तू आहे :)